शरद पवार नाव माझं...

आले किती, गेले किती,
येतील किती, जातील किती,
आलेत्यांची होईल चांदी, गेलेल्यांची झाली माती,
शरद पवार नाव माझं, गाव बारामती.

मला संपविण्याचा कट, त्या नियतीनेही रचला,
महाभयंकर कर्करोग मुखामध्ये पेरला,
रडलो नीही, पडलो नाही, हार तर मुळीच मानली नाही,
महाभयंकर कर्करोगावर करतोय मी मात,
शरद पवार नाव माझं, मराठी माझी जात.

अपेक्षांचे अोझे घेऊन, दिवस रात्र फिरतो,
पूराने भरलेल्या आसवांना, पुसत मी निघतो,
थांबा नाही, विश्रांती नाही, नाही घेत उसंती,
शरद पवार नाव माझं, लोक माझे सांगाती.

बार्शीच्या भगवंताला, एकच माझे मागणे,
पुर्ण होऊ दे, महाराष्ट्रातील जनतेची सर्व स्वप्ने,
काट्या कुट्यांच्या वाटेवरती, फुलं मी पेरतो,
शरद पवार नाव माझं, जनतेसाठी जगतो.

बा पांडुरंगा तुझ्या चरणी, साकडे मी घालेल,
पंतप्रधानाचे स्वप्न माझे, नाही पुरवले तरी चालेल,
कोणाच्या ही डोळ्यांमध्ये, आश्रु आता नको आहेत,
दैन्य, दु:ख दूर करण्यास , तुझे हात हवे आहेत.