आई-बाप नावाच्या विद्यापीठामध्ये

माझा जन्म झाला,
माझ्या आई-बाप नावाच्या विद्यापीठात,
मी वाढलो, शिकलो, जगलो,
माझ्या आई-बाप नावाच्या विद्यापीठामध्ये.

सत्कार्य कसे करावे, 

सत्य आणि खरे बोलावे,
नाती कशी टिकवावी,
पाप-पुण्य काय आहे,
हे मी शिकलो,
माझ्या आई नावाच्या विद्यापीठामध्ये.

निस्वार्थ प्रेम कसं करावं,
आपली आसवे लपवून,
स्वतःचं मन मारून,
दुसर्याला आनंद कस द्यावा,
हे मी शिकलो,
माझ्या आई नावाच्या विद्यापीठामध्ये.

बाप झाल्यावर आपल्या मुलांची स्वप्ने,
हेच आपले लक्ष्य,
किती हि त्रास झाला तरी ,
चेहर्यावर एक छटा हि न दाखवणे,
लोण्यासारख्या मनावर दगडाची चादर टाकणे,
हे मी शिकलो,
माझ्या बाप नावाच्या विद्यापीठामध्ये.

हार कधी मानायची नाही, प्रयत्न कधी सोडायचे नाहीत,
प्रचंड पैसा कमवायचा पण त्यात तळतळाट कोणाचा घ्यायचा नाही,
कर्म हाच धर्म आणि कर्म हीच पुजा, माणून काम करत रहायचे,
कोणत्याही कामाला लागायचे नाही,
हे मी शिकलो,
माझ्या बाप नावाच्या विद्यापीठामध्ये.

आई-बाप माझे गुरू, कुलगुरू आहेत,

आई-बाप माझे आदर्श,
आई-बाप माझा देव आहेत,
आई-बापाचे माझ्यावरील प्रेम हेच माझे सुवर्णपदक आहे.